Gwenyn Môn yn cipio anrhydedd Great Taste Awards 2024 am ein mêl blodau gwyllt yr haf o Ynys Mon.
Mae modd archebu lle ar gyrsiau â phrofiadau cadw gwenyn a gynhelir yn 2025
Nod y diwrnod gloywi hwn yw eich paratoi i ymdrin yn llwyddiannus â phrif achosion colledion :-
- Heidio
- Rheolaeth varroa aneffeithiol
- Newyn yn y gaeaf.
- Diffyg brenhines a phroblemau brenhines
Defnyddir cyflwyniadau, gweithgareddau ymarferol yn y wenynfa ac ymarfer senarios gan ddefnyddio cychod gwenyn gwag fel dulliau addysgu. Yn gyntaf, byddwn yn eich helpu chi i wahaniaethu rhwng celloedd heidio, celloedd disodli a chelloedd argyfwng ac egluro beth mae'r gwenyn yn ceisio ei wneud a chamau gweithredu ar gyfer pob un, gyda chanlyniad llwyddiannus i chi. Yna byddwn yn astudio manteision ac anfanteision dau ddull ataliol hawdd eu dilyn i ohirio dechrau paratoi i heidio ac yna ymarfer dau ddull ymarferol dibynadwy o "ddiffodd" yr ysgogiad heidio mewn cytrefi sydd eisoes wedi dechrau paratoadau i heidio.
Byddwch yn dysgu sut i achub nythfa heb frenhines neu nythfa gyda brenhines sy'n dodwy gwenyn gwryw yn unig, trwy ddefnyddio ail nythfa i fagu brenhines sbâr ac os dymunwch, cynhyrchu cnewyllyn sbâr a chynyddu. Yn olaf, byddwn yn archwilio dulliau effeithiol o reoli varroa a bwydo er mwyn atal newyn yn y gaeaf.
Cynnwys y cwrs
- Eich profiad hyd yn hyn
- Archwiliadau, beth ydym yn chwilio amdano?
- Adnabod mathau o gelloedd brenhines
- Rheolaeth heidio rhagataliol
- Diffodd yr ysgogiad i heidio
- Cynhyrchu breninesau newydd
- Rheolaeth varroa llwyddiannus
- Bwydo effeithiol yn yr hydref
- Mae hwn yn digwyddiad pob tywydd
- Cost, £90 y person
- uchafswm o 4 person
- 10:00 - 16:30
- Defnydd o ddillad amddiffynnol
- Ffolder o nodiadau cynhwysfawr i gydfynd â'r cwrs a dolenni at ddeunydd darllen pellach, os hoffech
- Cysylltwch drwy alwad, neges destun neu ebost i drefnu eich hyfforddiant neu i brynu tocyn anrheg.
- Yn cynnwys ymweliad â safle eich darpar wenynfa os hoffech
- Gwahoddiad i ymuno â grwp whatsapp preifat am gefnogaeth i'r dyfodol
- Tocyn anrheg ar gael ar gyfer y cwrs hwn
Dyddiadau ar gyfer 2025 - Ebrill 13, Mai 10
Sut i archebu
- Dewiswch ddyddiad addas.
- Gwiriwch argaeledd trwy glicio ar y ddolen Ymholiad Argaeledd hwn.
- Byddwn yn cadarnhau argaeledd neu'n awgrymu dyddiadau amgen drwy e-bost.
- Mae angen talu blaendal na ellir ei ddychwelyd o £30 y pen i sicrhau lle ar gwrs.
- Gellir talu drwy fancio ar-lein i gyfrif Starling Bank Rhif 48221226, cod didoli 608371, enw cyfrif Busnes Dafydd Jones.
- Defnyddiwch eich enw fel cyfeirnod.
- Fel arall, ffoniwch 07816 188573 i dalu gyda cherdyn.
- Gellir talu'r balans o £60 y pen gyda cherdyn wrth gyrraedd.
