Hyfforddiant

Manteisiwn ar dros 30 mlynedd o brofiad fel gwenynwyr a phrofiad addysgu o dros 50 mlynedd rhwng y ddau ohonom  i gynllunio a chyflwyno cyrsiau hyfforddi effeithiol. Dyna pam y dyfarnwyd Darparwr Hyfforddiant Cadw Gwenyn Gorau 2023 i ni.

Mae cadw gwenyn yn weithgaredd nad yw'n cael ei ddysgu'n llwyddiannus o lyfrau, gweminarau a'r rhyngrwyd yn unig. Mae llawer i'w ddysgu i wneud dechrau llwyddiannus i'r hyn a allai ddod yn weithgaredd boddhaus, gydol oes. Credwn yn gryf na ellir ennill gwybodaeth a sgiliau digonol ar gwrs undydd i ddechreuwyr neu gwrs lle mae 12 neu fwy o fyfyrwyr yn clystyru o amgylch yr un cwch gwenyn. Mae hanes ein cyn-fyfyrwyr yn profi eu bod, ar ôl cwblhau ein cwrs deuddydd dwys i ddechreuwyr, yn barod i brynu a rheoli eu gwenyn eu hunain yn llwyddiannus.

Cynhelir cyrsiau hyfforddi rhwng dechrau mis Ebrill a diwedd mis Awst ac maent yn cynnwys cymysgedd o dasgau ymarferol a theori gyda chyflwyniadau darluniadol yn yr ystafell ddosbarth, ymarfer senarios gyda cychod gwenyn gwag ac archwilio cychod gwenyn yn y wenfa hyfforddi bwrpasol gerllaw. Mae rhai o'r cychod gwenyn dan gysgod, felly mae cyrsiau'n mynd yn eu blaenau waeth beth fo'r tywydd. Dewiswch rhwng "Dwi am fod yn wenynwr!" sef cwrs deuddydd i ddechreuwyr neu gwrs gloywi undydd. Mae tocynnau anrheg ar gael ar gyfer ein holl gyrsiau.