Rydym yn angerddol am ansawdd y mêl blodau gwyllt o Ynys Môn yr ydym yn ei gynhyrchu a'i werthu. Gallwch fod yn sicr ei fod bob amser yn ffres ac yn cael ei gynhyrchu gennym ni. Yn wahanol i lawer o gyflenwyr mêl eraill, nid ydym yn dosbarthu mêl gan wenynwyr eraill. Ar ben hynny, nid ydym yn cadw stoc o fêl o flynyddoedd blaenorol er mwyn ceisio llyfnhau'r cyflenwad. Rydym yn cynaeafu mêl perthi'r gwanwyn ym mis Mehefin a mêl blodau gwyllt yr haf ym mis Awst. Gallwn nodi ffynhonnell pob jar o fêl a'r blodau y mae'r gwenyn yn debygol o fod wedi bod yn chwilota arnynt.
Mae ein mêl yn rhedegog i ddechrau a bydd yn naturiol yn dechrau crisialu a chaledu mewn tua 4-6 mis. Os yw'n well gennych chi fêl rhedegog, rhaid ei storio mewn lle cynnes, tra bydd storio yn yr oergell yn ei wneud yn galed yn fuan.
Cafodd Gwenyn Môn ei enwi ymhlith y cynhyrchwyr bwyd a diod gorau yn fyd-eang yn 2024, gan ennill gwobr Anrhydedd Great Taste am ei Mêl Blodau Gwyllt yr Haf o Môn. Fe'i disgrifiwyd gan feirniaid fel "very delicate in flavour, bright and appealing, with a real blast of the hedgerow in the aroma" yng ngwobrau bwyd a diod mwyaf clodwiw y byd. Roedden nhw'n ei alw'n “a honey we would enjoy on our toast".
Sicrwydd hylendid Bwyd
Er mwyn sicrhau ein bod yn cwrdd â gofynion hylendid bwyd bob amser, rydym wedi cofrestru fel cynhyrchydd bwyd ac wedi cwblhau hyfforddiant lefel 2 mewn hylendid bwyd a diogelwch ar gyfer gweithgynhyrchu ac wedi mabwysiadu system rheoli diogelwch bwyd yn dilyn egwyddorion HACCP a TACCP. Mae ganddom sgor hylendid bwyd o 5 (da iawn) ar ol archwiliad gan y cyngor, rhywbeth nad sydd gan y mwyafrif o wenynwyr.
Galw i brynu mêl neu brynu ar-lein
Rydym yn gwerthu ein Mêl o Ynys Môn mewn jariau chweonglog 8oz a 12oz deiniadol am £6.50 neu £8.50 Gallwch alw amdano neu ei archebu ar-lein i gyrraedd drwy'r post.
Cysylltwch â ni ymlaen llaw i drefnu amser addas i alw yn Gwenyn Môn i brynu ein mêl. Gallwn dderbyn taliadau efo cerdyn neu arian parod.
Ffafrau mêl o flodau gwyllt Ynys Môn
Ydych chi'n trefnu priodas ac mae ganddoch gysylltiad ag Ynys Môn? Does dim gwell na ffafrau mêl o flodau gwyllt Ynys Môn i'w roi i'ch gwesteion.
Cysylltwch â ni am fanylion mewn da bryd gan nad ydym yn eu cadw mewn stoc. Rydym yn eu gwerthu am £3 yr un gyda isafswm archeb o 30 jar.
Maent hefyd yn addas i'w cynnwys mewn hamperi croeso ar gyfer y fasnach lletygarwch.
Mêl wedi'i ddanfon gan y Post Brenhinol
Gallwch archebu'ch mêl trwy lenwi'r ffurflen archebu ar waelod y dudalen hon a thalu trwy fancio ar-lein (gan ddefnyddio'r manylion ar waelod y dudalen) neu gyda cherdyn dros y ffôn. Yna byddwn yn ei anfon atoch gan ddefnyddio gwasanaeth y post brenhinol (Tracked 24 neu 48). Cofiwch ychwanegu'r swm cywir ar gyfer postio. Byddwn yn rhannu eich cyfeiriad, e-bost a rhif ffôn efo'r Post Brenhinol at ddibenion dosbarthu a thracio a byddant yn rhoi gwybod i chi pryd y bydd y parsel yn eich cyrraedd a gallwch newid y trefniadau os nad yw'n gyfleus. Felly, bydd angen e-bost a rhif ffôn y derbynnydd arnom os ydych yn prynu mêl ar gyfer rhywun arall e.e. fel anrheg. Sylwch nad ydym yn anfon mêl dramor ac ni allwn fod yn gyfrifol am yr amser y mae'n ei gymryd i'r Post Brenhinol ddanfon eich mêl.
| Nifer o jariau | Cost postio £ | Gwasanaeth y post brenhinol |
|---|---|---|
| hyd at 4x jar 8oz | 4.25 | Parsel bach Tracked 24 |
| 5 i 10 jar 8oz | £6.65 | Parsel canolig Tracked 48 |
| 5 i 10 jar 8oz | £7.69 | Parsel canolig Tracked 24 |
| hyd at 2 jar 12oz | £4.25 | Parsel bach Tracked 24 |
| 3-8 jar 12 oz | 6.65 | Parsel canolig Tracked 48 |
| 3-8 jar 12 oz | 7.69 | Parsel canolig Tracked 24 |
Diweddariad stoc
Mêl y gwanwyn 2024 - dim ar ol
Mêl yr haf 2024 - dim ar ol
Archebu mêl
Os gwelwch yn dda, talwch drwy fancio ar-lein, gyfrif Starling Business Bank, rhif cyfrif, 48221226; côd didoli 608371; Enw’r cyfrif busnes, Dafydd Jones. Defnyddiwch eich enw fel gyfeirnod. Neu, ffoniwch 07816 188573 er mwyn talu efo cerdyn.
